يموت ركن يولع ركن وحلت فيك يا نار القدم
خطاي من خطاك معاي سبق خطاك كافيت بالخطا
اللي غلاه تبريم انساه يا دليلي واتركا
العقل يا بعاد الدار يمسا معاي ويبات عندكم
ياريت يا منام اليل تبقا رسيل بيني وبينهم
عليهم صباح الخير حتى وهي بعيدة داارهم
ترجاك والرجا فالله العين يا علم مو ميسا
خلاني صغا الايام نشاكي اللي ما نشغلا
تاجر ودار املاك الياس في تراكين خاطري
عليك كان ضاق الحال اطلب الله ياتيك الفرج
علي قولتي ننساك جميع المهابيل صدقوا
قزون يا عزيز بلاك حتى وهلي يالاي كلهم
غيابك عليها ليش العين يا علم في عازتك
شدي عزايمك يا عين يفنا العمر يابال الغلا
انشالله بعد ياسات بشاير خير ياتن بالفرج
الغقل ما عطوه حقوف اصحاب الغلا ظالمينا
غلاك كيف الكيف ننساك كيف ياكيف خاطري
اعزاز باعدوا بالدار خلوا العقل يزازي بنارهم
عريب في بلاد الناس قليل وين يزها خاطري
الصابر ينال الخير البارح منامي قالي
تقاوى سطير الجرح اسرع خطاك يا جايب الدوا
شكيتلك رميت عليك اشقا بداي يا صاحب الدوا
لا تعاندي مولاك علي عطاه ياعين اصبري
الانظار ما عليهن لوم رقاق عزم يابال رايفن
العين حاسبت الاوقات لقت زمانها مايل بكت
الجرح كان طال العظم يصير في مداواته عدم
لايغفل ولا ينساك العقل يا علم دوم جابدك
امرار كل شي عانيت مغير جرح الاولاف كادني
سياتك المتابعات ننساهن اتجيني بغيرهن
اعزاز ما يجيبوا علم نبكي اوقات شوقي لهم
صابر وداير عزم ونقول يا غوالي تقسموا
انكان يا عزيز قسمت عذابي اللي صار نحملى
انظيع من اسباب غلاك يا عزيز نا منظورلي
عزيز وقت نوم الناس سريبا يجي دون خاطري
بنا قصور فالخاطر غلا عزيز تحويلا صعب
العقل لاتزيد عليه رقبق عزم بكاي يا علم
الجافي عليك يهون تترك غلاه لو كان والدك
النوم والاعزاز بعاد خذت عليه عيني والفت
ايزازن بنار غلاك لانظار يا علم واكلاتها
اشداد عزم فالتصميل العقل ما بكا نين باعدوا
سيورا يطيح اطياح سعد الياس مو ديما قوي
دونك.. دونك..
عقوبة الخاين كيف في قانونك..
الخاطر استنجد بيك
دونك فزعة..
الغالي رحل مانظن عندا رجعه..
نهار خونته ياخوي شينك فجعه..
تصور بعد نصك الثاني يخونك..
***********
سبحان .. من قال؟؟!!..
سبحان من قال ينسى غلاهم ..
ويصبر بلاهم.. ويقدر علي كبر جرحه جفاهم..
سبحان من قال..ينسى حبيبه..
ويمشي بطيبه..ويقدر علي طول هجره وعيبه..
ويدفع بعد كل غلطه ضريبه..
ويحمل خطاهم.. ويصبر..
وما صبر نافع معاهم..
سبحان.. من قال؟؟؟!!...
***********
طالب الله يبقى المانع خير..
اريافي عليكم يا اعزاز كبير..
علينا غبتوا..
لا اللي وصل مرسال لا كلمتوا..
فكري انشغل واجد البال شغلتوا..
كملت ليلي في شقا وتفكير..
زعم ناويين الهجر ماعبرتوا..
انسيتوا غلا غالي بلا تفسير..
**********
كم من جرح جابوله طبيب..
وبعد الياس لقيوله دوى..
جرحي جرح نلقنه عطيب..
فيه غلبت شقاني شقا..
وعندي قلب .. في صبره عجيب ..
مل الجرح من هوله شكا..
وين انقول يزهالي قريب..
نلقا الياس تأثيره بدا..
*********
مانجبرك ع الحب والحنيه..
راهي المحبه بالوفا والنية..
مانجبرك عالحب يامحبوبي..
ولا انقولك لازم
ترومه صوبي..
ان درت الغلا هاضاك هو مطلوبي..
وان هنتني ماني عليك رمية..
ولا نجرحك لانشيل منك سية..
**********
مازال ما سَلّمتْ..
وما زال غيرك ما نهار فهمت
وانت نظر الانظار وين برمت
شريكاً وما منك طريق نجى
وانت جميل الحلم وين حلمت
وانت خطاوي العقل وين مشى
وانت الرفيق اللي معاه عزمت
خشوش المخاطر في فجوج خلا
وانت الحياة والموت وانت الصمت
وانت الكلام وجوهرا ومعناه
وانت رضا الولدين بيه غنمت
راحة الدنيا ساعة الملقى
وانت القاضي وين ليه حكمت
حواسي الخمسة مايحات معاه
نطق حكم بعد شهور له سلمت
بقولة مؤبد في سريب غلا
******
عندي ليل مطاول طويل
لا بان فجر لا صبحا ضوى
وعندي عقل في رايا ظليل
ننصح فيه ويدير الخطا
وعندي عين ما ترقد الليل
رفيقة دمع حرفتا بكا
وعندي قلب مجروح وعليل
نزيفا زاد ما فادا دوا
وعندي روح راغبة فالرحيل
بعد لولاف ما تريد الحياة
وعندي نفس مو ساهل تميل
جداب(جدب) وعز لا ذل وعفا(ربيع)
وعندي رجل ما لقيت سبيل
توصل بيه لديار الزها
وعندي دمع عالغايب يسيل
نزيل امطار في وان الشتا
******
يا رازينا
ويااللي بنارك فالغلا كاوينا
وياللي طمعنا فيك بيش تجينا
تمسح دموع العين وتفرحنا
ان كان عالبكا واجد عليك بكينا
خطينا الدوح وفي الخلا نوحنا
يا جارحنا
نسيت الغلا ننسوك حتى نحنا
زايد علينا بيش؟؟؟!!
*****
حنون معاي
لاتغيب عني ولا تهون غلاي
خليك يالغالي
حنون ووافي
وخليك ديما في حنانك صافي
انت النفس وانت هو دواي الشافي
وانت الغلا وانت حدود مناي
وانت اللي تعرف صحيح ريافي
وانت اللي تفهم نسيم هواي
******
سهرت الليل عديت النجوم
حسبت العين تابا للمنام
لقيت العقل غارق فالهموم
وبكا العين من كثر الملام
اليوم العين فالخاطر تلوم
الخاطر دار لومة عالايام
ونا محتار ما عندي عزوم
مغير الصبر ما عندي كلام
******
مانك ناوى......غيابك مخلف فى الكنين فجاوى
تنشد على الغياب
فى عنادك جامح..........وانا اندارى فى خطاك مسامح
الهجران فى وجهك يبان ملامح.......الخونه صريحه ماتريد فتاوى
فى غيرنا كنهو قليبك طامح.......مش مشكله حتى الصبر يداوى
واللى تفوتك راك منها قامح.......والقاسمه مايرد هاش سطاوى
ومامن مواجع فى حياتى لامح....ارتدمن وغبين فى كتاب الراوى
مانك ناوى......غيابك مخلف فى الكنين فجاوى
تنشد على الغياب
مانك هوه.........مندقر وماراضى معايا الدوه
خلاص انتهى ماضيك راح بسوه.....تبخر خداتها ريح كيف الجاوى
نشقى بجديد يكون عامر جوه.......حنين وماهو على الحنانه ماوى
وخليك ياجافى قليل مروه.........ضيعت عمرى فى غلاك هواوى
خديته قرار فراقكم بالقوه........مايفيد التظلم ولا احكام دعاوى
ويكفيه قلبى من الخداع تكوه.......معاد تجمعنى معاك جلاوى
عليه ذئب فى رؤؤس الجلاهى عوه.....نهايه حزينه جابها طرقاوى
ونعتبره سحابة صيف ماهى نوه.......خش البحر عدا رعدها داوى
8/1/2018, 2:27 pm من طرف engy elkady
» دورة المحافظة على البيئة من النفايات و التلوث engy@itcegy.com 00201093000088
1/1/2018, 1:10 pm من طرف engy elkady
» دورة البرنامج المتكامل لأعداد المحكمين التجاريين الدوليين engy@itcegy.com
28/12/2017, 12:40 pm من طرف engy elkady
» ورشة عمل التخطيط المالي الاستراتيجي وتحليل الموازنات والقوائم المالية
24/12/2017, 2:53 pm من طرف الخبرة الحديثة للتدريب
» دورة التدريب علي فحص وصيانة أجهزة الاطفاء 2018 ودورات الدفاع المدني ومكافحة الحرائق
24/12/2017, 1:57 pm من طرف الخبرة الحديثة للتدريب
» دورة الاستراتيجيات المتقدمة لتطوير الأداء المهنى للمحاسبة وفق معايير المحاسبة الدولية
24/12/2017, 11:57 am من طرف الخبرة الحديثة للتدريب
» تصنيع و بيع احدث معدات المخابز و الافران و الحلواني
19/12/2017, 8:47 pm من طرف نوراسلام عرفة
» تصنيع و بيع احدث معدات المخابز و الافران و الحلواني
19/12/2017, 8:45 pm من طرف نوراسلام عرفة
» تصنيع و بيع احدث معدات المخابز و الافران و الحلواني
28/11/2017, 8:11 pm من طرف نوراسلام عرفة