يمجملها

يامجملها.....ضحكت بنات العز مانحملها .....نتعب معاها طول


يامبهاها .....بضحكة تفرح من اسمعها وراها......تنور الدنيا وكل من يالاها.......هكي طبيعتها اطوال خجلها

بنت الهنا والعز يامحلاها ...... تربت هنية مدللة من هلها

الواحد تمنا لو يطول هواها ...... تملا حياته ودنيته بكملها

فوق الدلاال زاد الجمال عطاها.......وكمل جميع اوصافها عدلها

ربي كريم بحكمته سواها.......ترزي الناس بشبحها تقتلها

جملت بنات الكون جن احداها.......يفرق عسلهن ماو كيف عسلها

كيف الاميرة اللي طلباتا جاها......الصعبة علي شانك اتجي مسهلها

انتي دوا الانظار وانتي داها......وانتي شفا لروح طيب عللها

اانتي دما للقلب عاش معاها.......تحس بلاشوق معاه ويحسلها

هلي عشقت احروفها واسماها......مايوم نزها الكان مانوصلها



ياملهمتي....يلي صبرتي ع الغلا وكتمتي....يلي مشيتي ع الاشواق ورمتي......وقلبك جمع اهمومنا ونقلها

يلي بنيتي في الخيال رسمتي......صورة جميلة واجبي نكملها

دخلتي فصوبي وفي غلايا همتي......ساعت تخطر كبدتي تنشلها

من بعد خوفك يالعين عزمتي......تعمد اوطان اعزاز وبتنزلها

خديتي عهود وع البنات حرمتي......من غير زول امناي ماتقبلها

يلي هديتيلي خاطرك سلمتي......وانا استلمت امواجعك شايلها

يجي يوم ويصير من اللي حلمتي...... ونعيشو طرابا في حياة مجملها



يامجملها.....ضحكت بنات العز مانحملها .....نتعب معاها طول



من اشعار................اسامة المقرحي



الموضوع منقول للامانه العلميه
[center]